තරග පාවා දුන් තුන්කට්ටුව - 24

අහමදාබාද් ටෙස්ට් තරගය

.................................................................

ලේලේ සහ ප්‍රභාකර් අතර සංවාදයේ තවත් දිගුවක්. 1999 අහමාදාබාද් ටෙස්ට් තරගයේ දී ඉන්දියාව, නවසීලන්ත කණ්ඩායමට නැවත වරක් ඉනිම ක්‍රියාත්මක (follow on) කිරීමට ඉඩ ලබා නොදීම පිළිබඳව ලේලේ ගේ අදහස පහත වේ.

තම මංගල ටෙස්ට් ද්විත්ව ශතකය අහමදාබාද් ටෙස්ට් තරගයේ දී 

වාර්තා කළ එවකට ඉන්දීය ක්‍රිකට් නායක සචින් තෙන්දුල්කර්

ලේලේ: නවසීලන්තය follow on නොකිරීම ගැන ඔය කියන කතා ඔක්කොම බොරු.

ප්‍රභාකර්: ඇයි එහෙම නෙමෙයි ද ?

ලේලේ: පිස්සුද, මගේ ඉස්සරහා තමයි ඔය සිද්ධිය වුනේ. 

ප්‍රභාකර්: ඇයි එහෙම follow on නොකළේ.

ලේලේ: ඔයා දන්නවද මොකද්ද සිද්ධ වුනේ කියලා ?

ප්‍රභාකර්: නැහැ සර්.

ලේලේ: මමයි, චන්දු බෝර්ඩේ යි ගියා ඔහුව (කපිල් දේව්) හමුවෙන්න. අපි කිව්වා, තව මිනිත්තු 10-15න් නවසීලන්තය all out වෙනවා. එහෙම වුනොත් තව මිනිත්තු 10ක් විතර නවසීලන්තයට ඉතුරු වෙනවා අද දවසෙට, ඒ කාලේ ඇතුලත නවසීලන්තය ආයෙත් පිතිකරණයේ යෙදිලා කඩුල්ලක් දෙකක් දවාගත්තොත් අපිට සෑහෙන්න වාසියි. ඇයි අපි ඉනිම දිගු කරන්නේ නැත්තේ ? (Follow on).

දන්නවද, එයා කිව්වේ මොකද්ද කියලා ?

"නෑ නෑ මහත්වරුණි, මට එහෙම කරන්න අවශ්‍යතාවයක් නෑ. අපි ගොඩක් වෙලා පන්දු රැක්කා. අපි පැය දෙකක් විවේක ගන්න අවශ්‍යයි,පැය දෙකකින් ලකුණු 200ක් ගැහුවොත් අපි ලකුණු 500ක් විතර ඉදිරියෙන්, ඊට පස්සේ අපි ඒ අයට බැට් කරන්න දෙනවා"

චන්දු ඇහුවා;

"මොකක් ? Follow on කරන්න දෙන්නම ඕන. මොකද්ද මේ කියවන්නේ ?"

කපිල් කිව්වා,

"නෑ නෑ අපිට ආයේ බැට් කරන්න වෙනවා."

මමයි, චන්දුයි , එතනින් ගියා. කවුරුත් අපිව විශ්වාස කළේ නෑ. එතකොට, අපිට, සචින්ව හමුවුනා. 

සචින් කිව්වා;

"අපි ඒ අයව follow-on කරවනවා. මොකද්ද මේ කියන්නේ" කියලා.

විශ්වාස කරනවද දන්නේ නෑ, විනාඩි 10කට පස්සේ, අපිට ආයෙත් දැනගන්න ලැබුනා, අපි මුලින්ම බැට් කරනවා කියලා. සචින් ආයෙත් මං ළඟට ආවා,

මං ඇහුවා;

"මොකද්ද වුනේ?" කියලා

සචින් කිව්වා;

"නෑ, කෝච් කිව්වා බැට් කරන්නම වෙනවා කියලා, ඒ විතරක්ම නෙමෙයි මට නොම්මර 3 ගහන්න කිව්වා" (සචින් එම ඉනිමේ දී නම් පිතිකරණයේ යෙදුනේ නොම්මර 2 ආරම්භක පිතිකරු ලෙසයි).

මං කිව්වා;

ඔයා මොකද්ද කිව්වේ ? කියලා.

සචින් කිව්වා;

"මට කියන්න කිසිම දෙයක් නෑ එතනදි, කෝච් කිව්වේ හැමෝගෙම ඉස්සරහා"

හවස පවත්වපු මාධ්‍යය සකච්ඡාවේ දී කපිල් කිව්වා, "ඒක මගේ තීරණයක් නෙමෙයි, නායකයාගේ තීරණයක්", කියලා.

ප්‍රභාකර්: Shit ! සචින් මුකුත් කිව්වේ නැද්ද ?

අහමදාබාද් ටෙස්ට් තරගයේ කෙටි ලකුණු සටහන පහත පරිදියි.

ඉන්දියාව මුල් ඉනිම: 583/7d 

නවසීලන්තය මුල් ඉනිම: 308

ඉන්දියාව දෙවැනි ඉනිම: 148/5d (32 ඕවර්)

නවසීලන්තය දෙවැනි ඉනිම: 252/2

මෙම තරගය, පසුව CBI (Central Bureau of Investigation) අවධානයටද යොමුවුනා. ඒ වගේම සචින් තෙන්දුල්කර් හටද ඉන්දීය ක්‍රිකට් ආයතනයේ කේ.මාධවන් ගේ කොමිසමට පිළිතුරු බඳින්නට සිදුවුනා. ඒ වගේම කපිල් දේව් සහ අජිත් වඩේකර් ටත් එම කොමිසම ඉදිරියේ මුහුණදෙන්නට සිදුවුණා .  

සචින් පැවසුවේ ,  ඔහු නායකයා ලෙස එවකට පුහුණුකරු කපිල් දේව් ට ඉනිම නැවත ක්‍රියාත්මක කිරීමට නවසීලන්තයට ඉඩ දිය යුතු බවට කෙතරම් පැවසුවත් ,  කපිල් දේව් ගේ තීරණය නිසා එය වෙනස් කරන්නට සිදුවූ බව .  

කපිල් දේව් කොමිසමට පැවසුවේ ,  එම තීරණය "සාමුහික තීරණයක්" වූ බවයි . 

මේ අතරතුර CBI වෙතට ලැබුණු විශේෂ තොරතුරක් වූයේ, කපිල් දේව් සහ ව්‍යාපාරික හිරේන් හාති අතර එම ටෙස්ට් තරගය අතරතුර විශේෂ සාකච්ඡාවක් පවත්වා ඇති බවට.. එම පුවත, ජනමාධ්‍යය විසින් ප්‍රචාරය කළේ විදුලි වේගයෙන්.

CBI සහ ආදායම් බදු දෙපාර්තමේන්තුව විසින් ඔහුගේ නිවස වටළා, හිරේන් හාති ගෙන් ප්‍රශ්න විමසීමක් කළ අතර, විශේෂයෙන්ම අහමදාබාද් ටෙස්ට් තරගය පැවති ඔක්තොම්බර් 29 සිට නොවැම්බර් 2 වන දා දක්වා ඔහුගේ ක්‍රියාකාරකම් සටහන් කරගත්තා.

හිරේන් හාති, කපිල් දේව් ගේ ව්‍යාපාරික සඟයා වගේම එවකට වසර 15ක පමණ කාලයක් තිස්සේ මිතුදමක් ගොඩනගා ගෙන සිටි අයෙක්.

හාති ට අනුව, ඔහු ජඩේජා සහ කපිල් සමඟ ව්‍යාපාරික සම්බන්ධතාවයක් පවත්වාගෙන සිටියත් එය කිසිසේත්ම ක්‍රිකට් ක්‍රීඩාව සහ ඔට්ටු ඇල්ලිම සඳහා අදාළ වුනේ නෑ.. එමෙන්ම කපිල් ක්‍රීඩාව පාවා දෙන අයෙක් නොවන බවත්, ඔහු ක්‍රීඩාව දෙවියෙකුට සමාන කරන තැනැත්තෙක් බවත් හිරේන් හාති පැවසුවා.

කේ මාධවන් කොමිසමේ අවසන් තීරණය වුයේ;

එම තරගය ඉන්දියාවේ අවාසනාව නිසා පරාජය වූවක් මිස, කිසිදු සැක කටයුතු සිදුවීමක් සිදු නොවූ බව. එමෙන්ම කපිල් දේව්, නිර්දෝෂී පුද්ගලයෙක් බවට . 

පසු කලක, මෙම ටෙස්ට් තරගය , ඉන්දීය ක්‍රිකට් ආයතනය විසින්ම , යොවුන් ක්‍රීඩකයින් ට තරග පාවා දීමේ ආනිසංස කියා දීමේ වැඩමුළු සඳහා උදාහරණයක් ලෙස ගෙන, එම තරගය follow-on සිදු නොකරනු ඇති බවට බුකී කරුවන් පෙර සිටම දන සිටි බවට, පැවසීම ,  බළලා මල්ලෙන් පැනීමකට සම කළ හැකියි . 

“You know, match-fixing started much before 2000 (when the scandal broke). There was a match held in Ahmedabad where India were playing against some foreign side. India were in a very strong position and it was expected that they would enforce the follow-on. The entire nation was expecting that the next day.”

“That did not happen,” 

“But bookies sitting in Delhi and Mumbai knew that the follow-on would not be given. Later, the BCCI asked the captain why he did not enforce the follow-on. The captain refused to answer and said ‘ask the coach’. The coach said, ‘don’t ask me, ask the team as it was a collective decision’.” 

- Anshuman Upadhyay (Former Central Security Officer and Anti Corruption Officer)

 

- Aqeeb