මුම්බායි හි රිචර්ඩ්ස්

courtesy: Indian Express

ක්‍රිකට් ක්‍රීඩකයෙක් වීම පහසු නැත. උත්සාහය, කැපවීම සහ උනන්දුව මත ක්‍රීඩකයෙකු ගේ අනාගතය තීරණය වේ. මුම්බායි හි විවියන් රිචර්ඩ්ස් යන අන්වර්ථ නාමය හිමිව තිබු අනිල් ගුරාව් 80 දශකයේ මුම්බායි ප්‍රාන්තයේ ජනප්‍රියම ක්‍රිකට් ක්‍රීඩකයෙක් විය. සචින් ටෙන්දුල්කර් තරගකාරී ක්‍රිකට් දිවියට එළඹුණු මුල්ම අවධියේ දී අනිල් ගුරාව් විසින් සචින් හට පිතිකරණය පිලිබඳ උපදෙස් මෙන්ම ඔහුට ඔහුගේ පිත්ත ද ප්‍රධානය කළ බවට කියැවේ. එම පිත්තෙන් සචින් ප්‍රථම වරට ඔහුගේ ක්‍රිකට් සමාජය සඳහා ශතකයක් ද රැස් කළේ ය. 

කෙසේ වෙතත් ඉන් පසු මෙම ක්‍රීඩකයින් දෙදෙනාගේ ක්‍රීඩා දිවිය ගමන් කළේ වෙනස් මග දෙකක් ඔස්සේ ය. සචින් ටෙන්දුල්කර් ක්‍රිකට් ඉතිහාසයේ නොමැකෙන ක්‍රිකට් සලකුණක් වූ අතර අනිල් ගුරාව් අතුරුදන් වූ ක්‍රිකට් තරුවක් බවට පත්විය. ගුරාව් ගේ ක්‍රිකට් දිවිය ට දැඩි බලපෑමක් එල්ලවූයේ ඔහුගේ සොහොයුරු අජිත් ගේ ක්‍රියාකාරකම් හේතුවෙන් බව අනිල් පවසයි. අජිත්, එකල ඔවුන් ජිවත් වූ පරෙල් හි නමගිය පාතාල කල්ලියක සාමාජිකයෙක් වීම නිසා නිතරම පොලිසියෙන් අනිල් හට සහ ඔහුගේ පවුල් සාමාජිකයින්ට කරදර සිදුවූ බවට වාර්තා වේ. සචින් ටෙන්ඩුල්කාර් සහ අනිල් ගුරාව් දෙදෙනාම සුප්‍රකට ඉන්දීය පුහුණුකරු රාම්කාන්ත් අච්රෙකා ගේ ගෝලයන් වේ. අද වනවිට අනිල් ගුරාව් මුම්බායි නගරයෙන් එපිට කුඩා කාමරයක වාසය කරයි.


@AAQEEEB

වෝ වෙනුවට වෝ

courtesy: http://cooolcricket.blogspot.com

ඕස්ට්‍රේලියානු කණ්ඩායම වෙනුවෙන් ක්‍රීඩා කළ වෝ සොහොයුරන් දෙදෙනා එම කණ්ඩායම වෙනුවෙන් දැවැන්ත සේවයක් කළ ක්‍රීඩකයින් දෙදෙනෙක් බවට කිසිදු සැකයක් නෑ. නිවුන් සොහොයුරන් වන ඔවුන් අතරින් ප්‍රථම වරට ඕස්ට්‍රේලියානු පිල වෙනුවෙන් ක්‍රීඩා කිරීමට වරම් ලැබුනේ ස්ටීව් වෝ හට යි. කෙසේ වෙතත් මාර්ක් වෝ ඕස්ට්‍රේලියානු පිල වෙනුවෙන් ක්‍රීඩා කිරීමට සුදුසුකම් ලැබූ අවස්ථාවේ දී ඔහුට ආදේශ වන්නට සිදුවුයේ ඔහුගේ සොහොයුරු ස්ටීව් වෙනුවෙන් වීම ප්‍රකට සිදුවීමක්. 

මාර්ක් වෝ කණ්ඩායමට තෝරාගත් පුවත ඇසු දෙසොහොයුරන්ගේ මව ඉතාමත් ප්‍රීතියට පත්වූ අතර ඒ වෙනුවෙන් කුඩා සාදයක් සුදානම් කළා ය. එම සාදය අතරතුර දී ඇය ස්ටීව් ගෙන් විමසුවේ තේරීම් කමිටුවේ නිලධාරින් විසින් මාර්ක් ගේ ස්ථානය වෙනුවට කණ්ඩායමෙන් ඉවත්කළ ක්‍රීඩකයා කවුරුන්දැයි යන්නය. 

ස්ටීව් එයට පිළිතුරු වශයෙන්, එසේ කණ්ඩායමෙන් ඉවත් කර ඇත්තේ තමන් බව පවසා ඇත. 

ෂේන් වොන් සහ පාපන්දු රසිකයා

ප්‍රකට ඕස්ට්‍රේලියානු හිටපු පා දඟ යවන්නෙකු වූ ෂේන් වෝන් ක්‍රීඩා පිටියේ දී මෙන්ම එයින් එපිට දීත් පුවත් මවන්නෙකු ලෙස ප්‍රසිද්ධියට පත්ව ඇති ක්‍රීඩකයෙකි. ක්‍රිකට් ක්‍රීඩාවට අමතරව පාපන්දු රසිකයෙකු ද වන වෝන්, දින කිහිපයකට පෙර බීබීසී ආයතනයේ සම්මුඛ සාකච්ඡාවක දී අපුරු සිදුවීමක් හෙළි කළේ ය. 

ෂේන් වෝන් බ්‍රිතාන්‍යයට පැමිණි මුල්ම අවස්ථාව එනම් 1989 වසරේ සිට ඔහු චෙල්සි පාපන්දු කණ්ඩායමේ ප්‍රබල රසිකයෙක් බවට පත් වූ බවත් එසේ වීමට හේතුව ඔහු දැක්වුයේ මේ අයුරින්;

බ්‍රිස්ටල් සිට ලන්ඩන් දක්වා යන දුම්රිය ගමන අතරතුර දී එක් කුටියක එක්තරා පුද්ගලයෙක් චෙල්සි පාපන්දු සමාජයේ සළුවක් සහ වෙනත් දෑ සමඟ මා අසලට පැමිණියේ "උඹ සහය දක්වන්නේ මොන කණ්ඩායමට ද ?" යනුවෙන් අසමින්. මම ඔහු දෙස හොඳින් බැලුවිට ඔහුගේ එක් අතක විශාල පිහියක් තිබු අතර මගේ පිළිතුර වුයේ "චෙල්සි කණ්ඩායම" ලෙස යි. චෙල්සි සමාජය හැර වෙනත් කණ්ඩායමකට සහය පළකිරීමට මා බියක් දැක්වූයේ මේ සිදුවීමෙන් පසුවයි.

Courtesy: BBC Sports

උපුටා ගැනීම: බීබීසී ආයතනයට අදහස් දැක්වූ වෝන්













@AAQEEEB