ලෝක වාර්තාවක් පිහිට වූ බාපු නාඩ්කර්නි මිය යයි

නිලකුණු පන්දුවාර 21ක් එකපිට යවා ලෝක වාර්තාවක් පිහිටවූ බාපු නාඩ්කර්නි මීට ස්වල්ප මොහොතකට පෙර මියගිය බවට ඉන්දීය මාධ්‍යය වාර්තා කළහ. මිය යන විට බාපු නාඩ්කර්නි 86 වියැති විය. 1955/56 දී නවසීලන්තයට එරෙහිව ෆෙරොස්z ෂා කොට්ලා හිදී මංගල ටෙස්ට් තරගයට ක්‍රීඩා කළ බාපු නාඩ්කර්නි එම ටෙස්ට් තරගයේ දී නොදැවී ලකුණු 68ක් රැස්කිරීමට සමත් විය. ඉහත ලෝක වාර්තාව පිහිටවූ ඉනිමේ දී බාපු විසින් පන්දුවාර 29ක් යවා නිලකුණු පන්දුවාර 26ක්, ලකුණු 3ක් පමණක් ප්‍රතිවාධින්ට ලබා දෙමින් දස්කම් දැක්වීය. ඔහු පුහුණුවීම් අතරතුර කාසියක් මතට පන්දු යවමින් නිවැරදි ඉලක්කයක් ඔස්සේ පන්දුව පාලනය කර යැවීමට තරම් දක්ෂ විය.